Rusiyada "WhatsApp" BAĞLANIR? – Peskovdan XƏBƏRDARLIQ

Rusiya prezidentinin mətbuat katibi Dmitri Peskov bəyan edib ki, "WhatsApp" messenceri Rusiyanın qanunlarına əməl etməyə borcludur.

Sfera.az xarici KİV-ə istinadən xəbər verir ki, Peskov jurnalistin sualını cavablandırarkən qeyd edib ki, WhatsApp ümumilikdə bir çox ölkələrdə, o cümlədən Rusiyada ən məşhur xidmətlərdən biridir, lakin bu, onu qanunlara əməl etmək öhdəliyindən azad etmir:
 

"Bütün digər xidmətlər kimi, təbii ki, onun da Rusiyanın qanunlarına uyğun olaraq müəyyən öhdəlikləri var. Bütün qanunlar yerinə yetirilməlidir", – deyə Peskov bildirib.
 

Bundan əvvəl Dövlət Dumasının informasiya siyasəti komitəsinin sədr müavini Anton Gorelkin bəyan etmişdi ki, "WhatsApp" artıq Rusiya bazarından çıxmağa hazırlaşmalıdır.