Mel Gibson gizli şəkildə Serb monastırını ziyarət edib - FOTO
Mel Gibsonun Yunanıstandakı Athos dağındakı Serb monastırına səfəri gizli idi. Onun bir neçə gün monastırda qalması faktı yalnız gedəndən sonra məlum olub.
Aktyorun vaxtını sükut, dua və təfəkkür içində keçirdiyi qeyd edilir.
Sfera.az bildirir ki, Mel Gibson "Məsihin ehtirası" filminin davamını çəkmək qərarına gəlib.
Məlum olub ki, məşhur aktyor və rejissor bir neçə gün Serb rahiblərinin yaşadığı Athos dağındakı Hilandar monastırında olub. Məşhur ulduz İsa Məsih haqqında "Dirilmə" filmini çəkməyə hazırlaşır.
"Burada heç bir tamaşaçı yoxdur. Yalnız Allah və Onun sükutu var. Hollivudda isə əksinə, ancaq səs-küy var” - deyə abbat aktyorun sözlərindən sitat gətirib.
Bildirilir ki, Mel Gibson iyunun 27-dən 29-dək monastırda qalıb. Səfəri zamanı o, Hilandarın qurucusu gününün, müqəddəs böyük şəhid Şahzadə Lazarın - Vidovdanın gününün qeyd edilməsində gecəboyu ibadət və təntənəli mərasimdə iştirak edib.
Məlum olub ki, “Məsihin ehtirası” filminin rejissoru olan Gibson hazırda davamı olan “Dirilmə” filmi üzərində işləyir və mənəvi ilham axtarırmış. Çəkilişlərin 2025-ci ilin sentyabrında başlanması planlaşdırılır.
Qeyd edək ki, Mel Gibson bir müddət əvvəl məşhur bloqqer Co Roqanla müsahibəsində Hollivudun antixristian məkanı olduğunu bildirib. O, bir xristian olaraq, çox çətin anlar yaşadığını dilə gətirib.
Xatırladaq ki, Hilandar Monastırı Konstantinopol Patriarxının yurisdiksiyasındadır, lakin tarixən Serb və Bolqar kilsələri ilə bağlıdır. Yunanıstanın Athos yarımadasının şimal-şərq tərəfində yerləşir.
Monastır 1198-ci ildə Serb arxiyepiskopu Müqəddəs Sava və onun atası, Serb şahzadəsi Stefan Nemanya tərəfindən yaradılmışdır. Onlar əvvəlcə qonşu Vatopedi monastırında monastır andı içiblər. Monastırın əlamətdar yeri Müqəddəs Simeonun məzarından böyüyən üzüm bağıdır. Simeon üzümünün sonsuzluğu sağaltdığı güman edilir. Hazırda monastırda 60 serb rahib yaşayır.
Aysel
