Günün günorta çağı vertolyotdan yerə nağd pullar töküldü
ABŞ-da Detroytin şərq hissəsinin sakinləri və qonaqları şəhərin üzərindən uçan vertolyotdan pulların səpələndiyini gördükdə şoka düşüblər.
Sfera.az bildirir ki, bu qeyri-adi və görünməmiş alicənablıq jesti yaxınlıqdakı avtoyuma məntəqəsinin mərhum sahibi, bu yaxınlarda Alzheimer xəstəliyindən vəfat etmiş Darrell Tomasın son vəsiyyəti olub.
Yaxınlıqdakı Motor City Coney Island-ın əməkdaşı Anaya Toney növbəsi başlamazdan əvvəl göydən pul düşdüyünü anlayıb.
Videoda insanların pulu tutmaq üçün küçəyə qaçmaqları əks olunub. Nəqliyyatın hərəkəti qısa müddətə dayandırılıb.
“Bizə dedilər ki, pul səpələnməsi cənazə mərasiminin bir hissəsidir”.
Anaya Toney başqaları ilə birlikdə dollar toplamaq üçün qaçmasa da, ofisinin pəncərəsindən heyrətlə olanları izləyib.
“Airport Express Lube & Service” şirkətinin əməkdaşı Lisa Kneif əlavə edib ki, insanlar göydən düşən əskinasları tutmaq üçün maşınlarından düşən kimi bütün altı hərəkət zolağı dayanıb.
Hadisə küçənin bir hissəsini 30 dəqiqəyə bağlanmasına səbəb olub.
"Heç bir dava-dalaş olmadı. Bu, həqiqətən gözəl idi".
Darrell Tomas ailəsinə, qonşularına və klassik avtomobillərə olan sevgisi ilə tanınan cəmiyyətin sütunularından olub. Pulun atılmasını onun oğlu Dante Tomas təşkil edib.
Darrell Tomasın qonşuları, dostları və ailəsi mərhumun xatirəsini yad etmək üçün toplanıb.
Pula əlavə olaraq, cəmiyyət cənab Tomasın şərəfinə böyük bir şənlik təşkil edib. Ailə üzvləri də bu məclisdə iştirak edib.
Aysel
