Təbiət möcüzəsi: Dünyanın ən quraq səhrası qarla örtüldü
Çilidə nadir təbiət hadisəsi baş verib. Dünyanın ən quraq çölü kimi tanınan Çili Atakama səhrası gözlənilmədən qarla örtülüb.
Sfera.az bildirir ki, dünyanın ən quraq səhrasına son 10 ildə ilk dəfə qar yağıb.
Son on ildə ilk dəfədir ki, belə bir hadisə baş verir. Bu barədə onun ərazisində yerləşən ALMA rəsədxanası “X” sosial şəbəkəsində məlumat yayıb.
ALMA əməkdaşları dəniz səviyyəsindən 2900 metr hündürlükdə qarla örtülmüş genişliklərin videosunu paylaşaraq:
"İnanılmaz! Dünyanın ən quraq olan Çili Atakama səhrası qarla örtülmüşdür"-yazıb.
Rəsədxananın izah etdiyi kimi, on ildir ki, bu ərazidə qar müşahidə edilmir. Əsas ALMA antenalarının 5000 metrdən çox hündürlükdə quraşdırıldığı yüksək Çajnanator yaylasında qar adi hal olsa da, stansiyanın əsas kompleksində olduqca nadirdir.
Santyaqo Universitetinin iqlimşünası Raul Kordero bildirib ki, qar yağmasını birbaşa qlobal iqlim dəyişikliyi ilə əlaqələndirmək hələ tezdir. Bununla belə, o qeyd edib ki, müasir iqlim modelləri Atakamada yağıntıların artmasının mümkünlüyünü göstərir.
Agentlik onu da qeyd edir ki, Sakit okean sahilləri boyu min kilometrə qədər uzanan Atakama səhrası təkcə quruluğu ilə deyil, həm də mükəmməl qaranlıq gecə səması ilə tanınır. Elə buna görə də dünyanın ən qabaqcıl teleskoplarından bəziləri, o cümlədən ulduzların və qalaktikaların doğulduğu kosmosun soyuq bölgələrini öyrənmək üçün nəzərdə tutulmuş növünün ən böyüyü olan ALMA radioteleskopu da burada yerləşir.
Aysel
