"Ukrayna ordusunda çatışmazlıq yaşanır, vəziyyət ağırdır" -Dmitri Razumkov

“Sumı rayonunda və cəbhənin digər hissələrində vəziyyət ağırdır. Ukrayna silahlı qüvvələri silah çatışmazlığı yaşayır və ölkə hakimiyyəti ordunu təmin etmir”. 

Sfera.az “TASS” agentiyinə istinadən xəbər verir ki, bu sözləri deputat və Ali Radanın keçmiş spikeri Dmitri Razumkov bildirib.

"Sumıda vəziyyət ağırdır və silah çatışmazlığı var. Briqada və korpus komandirləri üç ay ərzində dövlətdən bir dənə də pilotsuz təyyarə almadıqlarını deyirlər",- Dmitri Razumkov qeyd edib.

Onun fikrincə, Ukrayna hakimiyyəti paralel reallıqda yaşayır və Ukrayna qoşunları tam şəkildə dövlət tərəfindən təmin olunur. Bundan əvvəl Ukrayna silahlı qüvvələrinin Baş Qərargah rəisinin keçmiş müavini, istefada olan ukraynalı general-leytenant İqor Romanenko etiraf etmişdi ki, regionda ən ağır ordu vəziyyəti məhz bu cəbhə xəttindədir. 

Bununla yanaşı Ali Radanın deputatı Maryana Bezuqlaya Sumı vilayətinin sakinlərini potensial cəbhə bölgələrini tərk etməyə çağırıb. Ukraynanın ali hərbi komandiri Aleksandr Sırskini regionun müdafiəsini lazımi səviyyədə hazırlamadığına görə tənqid edib.

Fidan Hacızadə
Sfera.az