1a:T7df,

Avropa İttifaqı (Aİ) 16 yaşdan aşağı uşaqların sosial media platformalarına girişini valideyn icazəsi ilə məhdudlaşdıran yeni qanun layihəsi üzərində işləyir. Fransa, İspaniya və Yunanıstanın dəstək verdiyi təşəbbüs, uşaqlar arasında artan vərdişlərin mənfi təsirlərini azaltmaq üçün irəli sürülüb.

Sfera.az xarici mediaya istinadən xəbər verir ki, layihəyə əsasən, Aİ səviyyəsində “Rəqəmsal Yetkinlik Yaşı” müəyyən ediləcək və bu yaşdan aşağı olan şəxslər sosial mediadan yalnız valideyn icazəsi ilə istifadə edə biləcəklər.

Tənzimləmə, bütün üzv ölkələrdə tətbiq ediləcək vahid mexanizmləri nəzərdə tutur.

Aİ rəqəmsal siyasət üzrə nazirlərinin iyun ayının əvvəlində bu təklifi ətraflı müzakirə etmək üçün bir araya gələcəyi gözlənilir. Qanun layihəsinin irəlilədilməsi üzrə məsuliyyəti növbəti dövr üçün sədrliyi üzərinə götürəcək Danimarkanın daşıyacağı bildirilir.

Sənəddə qeyd olunub ki, uşaqların onlayn risklərdən qorunması yalnız milli deyil, Avropa səviyyəsində kollektiv yanaşma tələb edir. Təklif həmçinin cihaz səviyyəsində yaşın təsdiqlənməsi və valideyn nəzarəti sistemlərinin məcburi tətbiqini, eləcə də sosial şəbəkələrdə istifadəçini ekranda daha uzun saxlamağa yönəlmiş “avtomatik oynatma” və “pop-up” dizayn elementlərinin məhdudlaşdırılmasını nəzərdə tutur.

Bu addım, Fransa Prezidenti Emmanuel Makronun 2024-cü ilin aprelində irəli sürdüyü “rəqəmsal yetkinlik” anlayışına əsaslanır. Layihə hazırda digər Aİ ölkələri ilə bölüşülərək daha geniş dəstək toplama mərhələsindədir.

Bəsti Rəfizadə
Sfera.az

4:[["$","script",null,{"t

Avropada uşaqların sosial şəbəkələrə girişi məhdudlaşdırılacaq - Yenilik