Bütün dünyada manşetlərə çevrildi: Aşpaz öldürdüyü adamı xüsusi texnika ilə bişirdi

Fransada gedən məhkəmədə ortaya çıxan hadisə bütün dünyada trend mövzusuna çevrilib. Fransız aşpaz Philippe Schneider (Filip Şnayder) məhkəmədə etiraf edib ki, həyat yoldaşı ilə evinə girdiyi Georges Meichleri ​​öldürüb, Nepalda öyrəndiyi xüsusi texnika ilə bədəninin bəzi hissələrini bişirib. Məhkəmənin qərarını mayın 22-də açıqlayacağı gözlənilir. Filip Şnayderin həyat yoldaşı bütün ittihamları rədd edir.


Sfera.az bildirir ki, Fransanın kəndlərinin birində törədilən qətlin təfərrüatları qan dondurub.


60 yaşlı Georges Meichlerin qızının polisə xəbər verməsi ilə başlayan istintaq çərçivəsində qocanın cəsədinin qalıqları avtomobildə tapılıb.
 

Hadisə ilə bağlı 69 yaşlı Filip Şnayder və onun həyat yoldaşı 45 yaşlı Natali Caboubassy həbs edilib.

Fransanın Brask bölgəsində ev sahibini oğurlamaq üçün evə girən cütlük onu parçalamadan əvvəl öldürüb.
 

“Nepalda öyrəndiyim xüsusi texnika ilə bişirmişəm”


Keçmiş qəssab olan 69 yaşlı restoran sahibi və aşpaz Filip Şnayder məhkəmədə qətli necə törətdiyini ətraflı izah edib.
 

Fransız aşpaz hadisəni ört-basdır etmək üçün kişinin bədənini parçaladığını, Meichlerin başını, əllərini və ayaqlarını yandırdığını bildirib.
 

Şnayder Nepalda öyrəndiyi dini rituala uyğun olaraq Meichlerin bədəninin bəzi hissələrini qoxusunu gizlətmək üçün tərəvəz qabında bişirməyə çalışdığını da etiraf edib.

Aynil