Siam əkizləri möcüzəvi şəkildə ayrıldı: Əməliyyatda 16 həkim iştirak edib
Braziliyanın Qoias əyalətində cərrahlar döş qəfəsi, qarın və çanaq nahiyəsindən bir-birinə bağlı olan bir yaşlı siam əkizləri Kiraz və Arunanı ayırmaq üçün mürəkkəb əməliyyat keçiriblər.
Sfera.az bildirir ki, mayın 10-da həkimlər 15 saat davam edən unikal cərrahi əməliyyatla döş qəfəsi, qarın, çanaq nahiyəsində birləşmiş və aralarında üç ayağı olan birləşmiş əkizlər Kiraz və Arunanı uğurla ayırıblar. Əməliyyatı Braziliyanın Qoyas əyalətində 16 həkim briqadası həyata keçirib.
Qızların ayrılığa hazırlığı 2024-cü ilin noyabrında ilk doğum günündən sonra başlayıb. Əsas əməliyyatdan bir neçə ay əvvəl körpələrə ayrılıqdan sonra lazımi örtük təmin etmək üçün dərini tədricən şişirdərək ortaq orqanların ətrafındakı dərini uzadan xüsusi toxuma genişləndiriciləri implantasiya edilib.
Aparıcı cərrah Zacharias Kalil prosedurun həddindən artıq mürəkkəbliyindən daha ətraflı danışıb:
"Cərrahlar dörd saatlıq növbə ilə işləyirdilər və sonda Kirazla Arunanı ayıra bildik, baxmayaraq ki, bu, olduqca çətin idi".
Mütəxəssisin sözlərinə görə, bu əməliyyat Qoyas əyalətində indiyədək həyata keçirilən əməliyyatların ən mürəkkəbi olub.
Uzun müddətli reabilitasiya
Uğurlu ayrıldıqdan sonra əkizlər reanimasiya şöbəsindədirlər, həkimlər onların vəziyyətini diqqətlə izləyirlər. Gələcəkdə qızlar ayrılan toxuma və orqanları bərpa etmək üçün daha bir neçə rekonstruktiv əməliyyat keçirməli olacaqlar.
Mürəkkəb tibbi prosedurun dəyəri 310 min funt sterlinq (700.000 Azn) qiymətləndirilir. Qızların ailəsi və həkim briqadası körpələrin tam sağalmasına ümid edir ki, bu da onlara tam həyat yaşamağa imkan verəcək.
Yeri gəlmişkən, qeyd edək ki, Siam əkizlərinin doğulması halları çox nadir hallarda baş verir. Xüsusilə daxili orqanların mürəkkəb birləşmələri zamanı uğurlu ayırma əməliyyatları müasir tibbin mühüm nailiyyəti hesab olunur.
Aysel
