Yaponiyanın Osaka şəhərində keçirilən Ümumdünya Expo 2025 sərgisinin təşkilatçıları bir ziyarətçinin İkinci Dünya Müharibəsinin başlaması səbəbindən ləğv edilmiş 1940-cı il sərgisi üçün orijinal biletdən istifadə edərək tədbirə daxil olmasına icazə verib.

Sfera.az bildirir ki, 1938-ci ildə Tokioda 1940-cı ildə baş tutmalı olan “Yaponiyanın Böyük Beynəlxalq Sərgisi”nə biletlər satışa çıxarılıb. Lakin hərbi əməliyyatların genişlənməsi və ölkənin müharibədə iştirakı səbəbindən tədbir qeyri-müəyyən müddətə ləğv edilib.

Expo 2025 təşkilatçıları bu həftə bazar ertəsi sağ qalan 1940 biletdən birini cari sərgiyə iki bir günlük biletlə dəyişdirdiklərini bildiriblər. Tarixi biletin sahibinin valideynlərini ziyarət etmək üçün Osakaya gələn 25 yaşlı Fumiya Takenava olduğu üzə çıxıb.

Takenawa, hələ də Osakadakı bir parkda dayanan Expo 1970-in simvolu olan Günəş Qülləsinin böyük pərəstişkarı olduğunu etiraf edib.

Təşkilatçılar qeyd ediblər ki, oxşar siyasət artıq 1970-ci ildə (Osaka) və 2005-ci ildə (Aiçi) Yaponiyada keçirilən sərgilərdə də tətbiq edilib. O zaman ləğv edilmiş 1940-cı il sərgisinin biletləri də etibarlı sayılıb.

Aysel

Gerçəkləşməyən uşaqlıq arzusunu 85 il sonra həyata keçirdi