Fransız qadınlarının 26%-i xəyanət edir - ARAŞDIRMA

Fransada aparılan yeni sosioloji araşdırma cütlüklər arasında diqqətçəkən bir dəyişikliyi ortaya qoyub. 

Sfera.az xarici mediaya istinadən xəbər verir ki, Ifop (Fransız İctimai Rəy İnstitutu) tərəfindən Gleeden tanışlıq platforması üçün aparılan sorğuya görə, ölkədə ənənəvi gizli xəyanət formaları azalmaqda, açıq və qarşılıqlı razılığa əsaslanan münasibət modelləri isə getdikcə yayılıb.

Araşdırmanın nəticələrinə əsasən, fransız qadınlarının 26%-i həyatları ərzində tərəfdaşlarını aldatdıqlarını etiraf edib. Bu göstərici 2014-cü ildə 33% idi. Beləliklə, son 11 il ərzində xəyanət edən qadınların faizi 7 dəfə azalıb. Ənənəvi xəyanətin yerini indi “açıq cütlüklər” adlanan yeni model tutur. Bu münasibətlərdə tərəflər qarşılıqlı razılıqla digər şəxslərlə münasibət yaşamağa açıq olduqlarını qəbul edirlər. Araşdırmaya görə, fransızların 8%-i hazırda açıq münasibətdədir. Paytaxt Parisdə bu nisbət daha yüksəkdir — 17%.

Xüsusilə 25-34 yaş aralığındakı gənclər, yüksək səviyyəli menecerlər və intellektual peşə sahibləri bu modelə daha çox maraq göstərirlər.

Açıq münasibətlər də qaydalarla tənzimlənir. Respondentlərin əksəriyyəti bu münasibətləri aşağıdakı sərhədlərlə yaşadıqlarını bildirib:

    •    Tərəfdaşları nikah evinə gətirməmək (52%)
    •    Ortaqların yaxın dost çevrəsindən olmaması (44%)və.s

Ifop-un direktoru Fransua Kraus bildirir ki, açıq münasibətlər xüsusilə cinsi məmnunluq baxımından alternativ təqdim etsə də, emosional baxımdan hələ ki, ənənəvi evlilik modelinin yerini tam tuta bilmir. Lakin ümumi tendensiya göstərir ki, bu münasibət forması fərdi xoşbəxtliyi sosial təzyiqlərdən üstün tutur. Araşdırma Fransa üzrə 2000 nəfərlik yetkin əhali, Paris üzrə 1130 nəfərlik iştirakçı ilə onlayn sorğu vasitəsilə həyata keçirilib. Bu nəticələr Fransada ailə və münasibət anlayışının keçdiyi mərhələli transformasiyanın növbəti sübutudur.

Fidan Hacızadə
Sfera.az