Məşhur “Harri Potter” ulduzu vəfat etdi - FOTOLAR
"Harri Potter" və "Doktor Kim" serialındakı rolları ilə tanınan məşhur britaniyalı aktyor Saymon Fişer-Bekker 63 yaşında dünyasını dəyişib. Xəbəri məşhurun əri Toni Facebook səhifəsində açıqlayıb.
Sfera.az xəbər verir ki, ötən gecə aktyorun ürəyi dayanıb. Saymon “Harri Potter” və “Doctor Who”dakı rolları ilə məşhurdur.
"Hər kəsə salam. Bu, Saymonun əri Tonidir. Çox üzücü xəbərim var. Simon (Saymon) bu gün saat 14:50-də dünyasını dəyişdi. Bu hesabı bir müddət açıq qoyacağam. Yenidən paylaşım edib-etməyəcəyimdən əmin deyiləm. Təşəkkür edirəm"- mərhum aktyorun əri yazıb.
Saymon Fişer-Bekerin nümayəndəsi Kim Berri də xəbəri təsdiqləyib. Agentin sözlərinə görə, onlar uzun illər yaxın dost olublar, ona görə də Saymonun ölümü onun üçün böyük itkidir.
“Doktor Kim” filmində Dorium Maldovar rolu təklif edilən zaman telefon zəngini heç vaxt unutmayacağam”– deyə Berri xatırlayıb.
O əlavə edib ki, aktyor həm də gözəl yazıçı və xeyirxah insan olub. Berri Simonun ərinə, qardaşına, qardaşı oğullarına, bacısı qızlarına və məşhurun pərəstişkarlarına başsağlığı verib.
Simon Fischer-Becker (Saymon Fişer-Beker) haqqında
Aktyor 25 noyabr 1961-ci ildə Londonda anadan olub. Onun kino debütü 1990-cı ildə olub. O, ilk dəfə “Les Misérables” musiqili filmində görünüb.
Aktyor “Doctor Who” serialında qalaktikalararası treyder Dorium Maldvar rolu ilə əsl şöhrət qazanıb. Daha sonra Harri” Potter” və “Fəlsəfə Daşı” filmində Kök keşişin ruhunu canlandırıb. Aktyor ömrünün son illərini videobloqa və xatirələr yazmağa həsr edib.
Aynil
