Dünyada ən çox satılan telefonlar - Çinlilər bazar payını ARTIRIR

2024-cü ildə qlobal smartfon bazarında iki illik tənəzzüldən sonra 4% artım qeydə alınıb. 
 

Sfera.az “Counterpoint Research”in hesabatına istinadən xəbər verir ki, smartfon bazarında ən böyük paya “Samsung” sahibdir. Onun bazar payı 19 % təşkil edib. Son 3 ildə “Samsung”un bazar payı iki faiz bəndi azalıb. 

İkinci sırada qərarlaşan “Apple”nin bazar payı dəyişməyib və 18 %-də qalıb. Bazar payını stabil artıran şirkət “Xiaomi”dir. Onun bazar payı son 3 ildə 12.5-dən 14 %-ə çatıb. 

Analitiklər qeyd edirlər ki, “Xiaomi”nin payının artmasında premium sinfə keçid və aqressiv marketinq əsas rol oynayıb. 

Sıralamada dördüncü və beşinci yeri tutan şirkətlər də Çinə məxsusdur. "OPPO" və "Vivo" smartfonlarının hər birinin payı 8 faizdir. 

“Counterpoint Research” şirkətinin təhlili onu da göstərir ki, premium smartfonlara tələbat artıb. Xüsusilə, Çində “iPhone Pro” və “Pro Max” satışlarının payı 2023-cü ildəki 40%-dən 2024-cü ildə 50%-ə yüksəlib. 

Süni intellekt xüsusiyyətlərinin tətbiqi insanları öz telefonlarını daha premium telefonlara təkmilləşdirməyə təşviq edir. 

Vasif

Sfera.az