Putin: Əgər Qərb Rusiyaya qarşı müharibəyə cəlb olunarsa, biz də eyni şəkildə hərəkət edəcəyik

"Qərbin Ukraynaya uzaqmənzilli silahlar tədarük etməsinə cavab asimmetrik ola bilər - Rusiya silahı təchiz edən ölkələrdə həssas hədəflərə zərbə endirə biləcəyi bölgələrə silah vermək hüququna malikdir".

Sfera.az xəbər verir ki, bunu Rusiya Prezidenti Vladimir Putin dövlət başçıları və dünyanın ən böyük xəbər agentliklərilə görüşündə deyib.

"Qərb ölkələri tərəfindən Kiyevə uzaqmənzilli silahların verilməsinə Rusiya oxşar tədbirlərlə cavab verməyə hazırdır", - Putin bildirib.

Prezidentin sözlərinə görə, Moskva bu cür raketləri başqa ölkələrə ötürə bilər ki, oradan Qərb ölkələrinin ərazisinə hücumlar təşkil etsin.
 

“Yəni, cavab asimmetrik ola bilər, biz bu barədə düşünəcəyik",- Rusiya lideri vurğulayıb.

Prezident əlavə edib ki, Qərb ölkələrinin Kiyevə silah vurması münaqişədə birbaşa iştirakdır. Putin qeyd edib ki, Ukrayna Silahlı Qüvvələrinə yüksək dəqiqlikli uzaqmənzilli silahların verilməsi çox ciddi problemlərə aparan yoldur.


İnci
Sfera.az