Güllələnən Baş nazir sui-qəsddən danışdı: "Mən həmişə..."

Slovakiyanın baş naziri Robert Fiko bildirib ki, sui-qəsd onun sağlamlığına ciddi ziyan vurub.


Sfera.az xarici KİV-ə istinadən xəbər verir ki, baş nazir bu barədə qısa danışıb.

"Mən həmişə şəxsi həyatımı qorumuşam, ona görə də hücumun sağlamlığıma ciddi ziyan vurduğunu bildirməklə kifayətlənəcəyəm", - Fiko bildirib.


Son olaraq iyunun 3-də Slovakiyanın baş nazirinin müavini və müdafiə naziri Robert Kaliniak bildirib ki, payıza qədər Robert Fikonun tam sağalması barədə danışmaq mümkün olacaq.

Kalinyak onu da bildirib ki, Fiko evdə tibbi reabilitasiya keçir.

Slovakiyanın baş nazirini güllələyən yazıçı Juraj Tsintula hazırda saxlandığı həbsxanadakı xəstəxananın psixiatriya şöbəsinə göndərilib.

Robert Fikoya sui-qəsd mayın 15-də baş verib. Baş nazir hökumətin iclasından sonra küçədə tərəfdarları ilə danışıb. Tsintula tapança ilə siyasətçiyə 5 dəfə atəş açıb və saxlanılıb. Sinə, bud və mədəsindən yaralanan Fiko helikopterlə Bratislavadakı xəstəxanaya aparılıb.

İnci
sfera.az