ABŞ siyasi sığınacaq istəyən mühacirlərin ölkədən çıxarılmasını sürətləndirəcək
ABŞ prezidenti Co Bayden Meksika ilə sərhəddən ölkəyə daxil olan qeyri-qanuni miqrantlara siyasi sığınacaq verilməsini qadağan edən sərəncam imzalayıb.
Sfera.az xəbər verir ki, bu barədə Ağ Evin mətbuat xidməti məlumat yayıb.
Baydenin Vaşinqtondakı qərarı ölkənin təhlükəsizliyini təmin etmək istəyi ilə izah edilib. Ağ Ev həmçinin bildirib ki, Birləşmiş Ştatlar ölkədə qalmağa heç bir səbəbi olmayan miqrantları tez bir zamanda müəyyən etmək üçün sığınacaq müraciətlərinə baxılmasını sürətləndirəcək. ABŞ Ədliyyə Nazirliyi və Daxili İşlər Nazirliyi sürətləndirilmiş prosedur üzərində işləyir.
Ağ Ev bu tədbirlərin məqsədini milli və ictimai təhlükəsizliyə təhlükə yaradan qeyri-qanuni miqrantların sürətlə deportasiyası adlandırıb.
Bundan əvvəl Donald Tramp ABŞ-dəkı qeyri-qanuni miqrantların sayının tezliklə Nyu-York ştatının əhalisini keçəcəyini bildirmişdi.
O, indi qeyri-qanuni yolla ABŞ-yə daxil olmağa çalışan miqrantların ruhi xəstəxanalardan və həbsxanalardan qaçanlar olduğuna inandığını bildirib və onların bəzilərini hətta terrorçu adlandırıb.
İnci
