Trampdan Baydenin sərhədlə bağlı qərarına MÜNASİBƏT
"ABŞ prezidenti Co Baydenin ölkənin cənub sərhədinə nəzarəti gücləndirmək üçün atdığı addımlar əbəsdir".
Sfera.az xəbər verir ki, bu barədə Donald Tramp özünün “Truth” sosial şəbəkəsindəki hesabında bildirib.
“Bayden cənub sərhədimizi tamamilə təslim etdi. Onun zəifliyi ölkəmizə misli görünməmiş miqrantların basqınına səbəb olub. O, guya ki, sərhədlə bağlı nəsə edib, amma əslində bunların hamısı faydasızdır”, - ABŞ-nin keçmiş prezidenti yazıb.
Tramp Baydenin qərarının iki prezidentliyə namizəd arasındakı debatdan əvvəl "yalnız şou üçün" verildiyini vurğulayıb.
Xatırladaq ki, Co Bayden və Donald Tramp" CNN"in iyunun 27-də keçiriləcək debatda iştirak etmək dəvətini qəbul ediblər .
Bayden miqrantlara siyasi sığınacaq verilməsini qadağan edən ölkənin cənub sərhədində nəzarətin gücləndirilməsi haqqında fərman imzalayıb.
İnci
