“Google” istifadəçilərin smartfonlarını müsadirə edə bilər – İDDİA

“Google” şirkəti “Android” əməliyyat sistemi ilə təchiz edilən smartfonlarda qeyri-rəsmi təmir faktını aşkarlayarsa, onları müsadirə edə biləcək.

Sfera.az xarici mediaya istinadən xəbər verir ki, bu barədə “Android Authority” məlumat yayıb.

Məlumata əsasən, “Google” istifadə edilən smartfonlara görə müəyyən xidmətlər göstərir. Bu xidmətlər müqabilində böyük məbləğdə gəlir əldə edir. Yayılan məlumata görə, “Google” smartfonlarda başqa istehsalçıya məxsus hissə quraşdırılmasını aşkar edərsə, həmin smartfonu bloklamaq hüququ olacaq.

Hələlik şirkətin bu hüquqdan istifadəsinə dair fakt yoxdur. Lakin bir fakt bəllidir ki, bir çox istifadəçi smartfonlarını təmir zamanı orijinal olmayan hissələrdən istifadə etməklə xidmət xərclərinə qənaət edirlər. Bu isə “Google” gəlirliliyinə mənfi təsir göstərir.

Vasif