Çindən “Boeing”i qəzəbləndirən ADDIM – Rəqib şirkətlə danışıqlar aparılır
Çin Fransanın “Airbus” şirkəti ilə iri təyyarə modeli olan “A330neo”ların alışı ilə bağlı danışıqları gücləndirib. Çin bu şirkətdən 100 ədəddən çox iri təyyarə almaq istəyir.
Sfera.az xarici mediaya istinadən xəbər verir ki, keçən ay Çin dövlət başçısı Si Cinpinin fransalı həmkarı Emmanuel Makronu ziyarət etməsindən sonra danışıqlar sürətlənib. Danışıqlar məxfi aparıldığına görə, onun detalları açıqlanmır.
Qeyd edək ki, Çinin hava nəqliyyatı ilə sərnişindaşıma bazarı ilbəil böyüyür. Bu bazarda daha böyük paya sahib olmaq üçün dünyanın 2 ən böyük təyyarə istehsalçısı olan “Airbus” və “Boeing” arasında rəqabət güclənir. Çinin “Airbus”a 100-dən çox təyyarə sifariş verməsi “Boeing”in xoşuna gəlməyəcək. Bu, olduqca böyük sifariş hesab edilir.
“Airbus” şirkətinin “A330neo” modeli üzrə qəbul etdiyi sifarişlərin sayı hazırda 165-dir. Çinlə danışıqlar uğurlu alınarsa, “Airbus”un qəbul etdiyi sifarişlərin sayı kəskin artacaq.
Vasif
