Ukrayna Rusiya ilə gizli danışıqlar aparır?
Ukrayna Xarici İşlər Nazirliyinin rəhbəri Dmitri Kuleba bildirib ki, Ukrayna Rusiya Federasiyası ilə gizli danışıqlar aparmır.
Sfera.az xəbər verir ki, “Times of Ukraine Telegram” kanalında yayımlanan videoda o, “Aramızda heç bir gizli danışıqlar yoxdur” deyib.
Ukrayna Prezidenti Volodimir Zelenski daha əvvəl jurnalistlərlə görüşü zamanı Qərb ölkələrinin Kiyevi Moskva ilə danışıqlara sövq etmədiyini bildirsə də, “müvafiq atmosferin olduğunu” qeyd edib.
Xatırladaq ki, 2022-ci ilin payızında Ukrayna prezidenti fərmanla Rusiya Federasiyası ilə danışıqları qadağan edib. Bununla belə, Kiyev üçüncü ölkələrin mümkün dinc həll yollarından imtina edərək, öz “sülh formulu”nu fəal şəkildə təbliğ edir .
Rusiya Xarici İşlər Nazirliyinin rəsmi nümayəndəsi Mariya Zaxarova bəyan edib ki, Kreml Zelenskinin “sülh formulu” altında tədbirlərdə iştirak etməyi planlaşdırmır, çünki bu təşəbbüs Rusiya Federasiyasının mövqeyini nəzərə almır.
Əzizə
