Avropa İttifaqı bu KİV-lərə qəti qadağa qoydu

Avropa İttifaqı Şurası üç Rusiya KİV-inin: “RİA Novosti”, “İzvestiya” və “Rossiyskaya qazeta”nın, eləcə də Çexiyanın “Avropanın səsi” portalının icmasında yayımı qadağan etmək qərarına gəlib.


Sfera.az xəbər verir ki, Aİ Şurasının öz saytında dərc etdiyi bəyanata görə, bu media orqanları “Rusiyanın Ukraynaya qarşı təbliğatını və təcavüzünü yayır və dəstəkləyir”.
 

Eyni zamanda, sənəddə qeyd olunur ki, siyahıda olan KİV-lərin yayımına qoyulan qadağa onların Aİ-də çalışan işçilərinin yayımla bağlı olmayan fəaliyyətlə məşğul olmasına mane olmayacaq.
 

Aİ Şurasının qərarı Avropa Komissiyası tərəfindən müsbət qarşılanıb. Onun bəyanatında deyilir ki, qadağa Rusiyanın Ukraynada xüsusi əməliyyatı başa çatana qədər qüvvədə qalacaq.
 

Rusiya Xarici İşlər Nazirliyinin rəsmi nümayəndəsi Mariya Zaxarova artıq bəyan edib ki, Rusiya Aİ-nin növbəti qeyri-dost addımına cavab verəcək, konkret tədbirlər hazırlanır.

İnci