Baş nazirə atəş açan yazıçı DANIŞDI - VİDEO
Slovakiyanın baş naziri Robert Fikoya silahlı hücum edən 71 yaşlı həvəskar yazıçı Juraj Cintula olub.
Sfera.az bildirir ki, Juraj Cintula hərəkətlərini hazırkı hökumətin siyasətinə qarşı çıxması ilə izah edib.
Juraj Cintula 1953-cü ildə Levice şəhərində anadan olub. O, həvəskar yazıçı kimi tanınıb, “LK DÚHA” solçu ədəbi birliyinin üzvü olduğu bildirilir.
Yerli jurnalistlər Robert Fikoya edilən hücumdan şoka düşdüyünü deyən nəşriyyat direktoru ilə əlaqə saxlaya biliblər. Nəşriyyat keçmişdə şübhəli şəxsə kitab təqdimatında kömək edib.
Direktor onu gəncliyində üsyankar, lakin aqressiv olmayan, tamamilə sağlam bir insan kimi təsvir edib.
Məlum olub ki, sui-qəsddə şübhəli bilinən şəxs üç şeir toplusu: “Üsyançının yuxusu”, “Diptix” və “Eşarıları” yazıb. 2010-cu ildə "Qurbanın mesajı" romanını nəşr edən yazıçı, 2015-ci ildə qaraçılara həsr olunmuş kitabı ilə tanınıb.
Xatırladaq ki, Slovakiyanın baş naziri Fikoya qarşı sui-qəsddə şübhəli bilinən şəxsi 25 il həbs gözləyir. Slovakiyanın hüquq-mühafizə orqanları artıq araşdırmaya başlayıb.
Aysel
Sfera.az
