Son 15 ildir ki, San-Fransiskoda milyarder Vinod Xosla evinin yaxınlığındakı çimərliyə girişi məhdudlaşdırmaq üçün mübarizə aparır. Ancaq bu dəfə də bu cəhd yenə də uğursuz olub.

Sfera.az bildirir ki, Vinod Xosla insanların məşhur sörfinq yerinə girişini əngəlləməyə çalışır. İş adamı çimərlik yaxınlığında 32,5 milyon dollara ev alıb və dərhal buxtaya gedən yolda darvaza tikib. Kaliforniya ştatının hakimi Raymond Svoup iş adamının əleyhinə qərar verib. Məhkəmə Xoslanın San-Fransisko yaxınlığında məşhur sörfinq yeri olan “Martin's Beach”ə girişi məhdudlaşdırmaq barədə vəsatəti rədd edib. Bu son məhkəmə qərarı milyarderin məhkəmə çəkişmələrindəki bir çox rədd qərarlarından biridir.

2008-ci ildən bəri Xosla insanların çimərliyə çatmaq üçün onun evinin giriş nöqtəsindən istifadə etməsinə mane olmaq istəyib. Bunun üçün buxtaya aparan yolda darvaza tikib. Xoslanın vəkilləri mülk sahibi olduğu üçün qapının qanuni olduğunu iddia etsə də, başqaları bununla razılaşmır.

2018-ci ildə məhkəmə çəkişməsi ABŞ Ali Məhkəməsinə verilib. Burada hakimlər Xoslanın şikayətinə baxmamaq qərarı verib və əvvəlki instansiyanın qərarını qüvvədə saxlayıblar.

Qərar okeanların və çimərliklərin qorunmasını müdafiə edən Kaliforniyada yerləşən qeyri-kommersiya təşkilatı “Surfrider Fondu”na istinad edib. İndi Kaliforniyanın dövlət qurumu olan Dövlət Torpaq Komissiyası da eyni şəkildə Xoslanın çimərliyi ictimaiyyətə bağlamasının qarşısını almağa çalışır. Komissiya da iddia edir ki, ictimaiyyət dövlət qanunları və tarixi istifadə ilə verilmiş torpaqlara daxil olmaq hüququna malikdir.

Qeyd edək ki, Kaliforniyada çimərliklərə giriş çox aktual məsələdir. Xosla yeganə iddiaçı deyil. Ev sahibləri ilə əhali arasında məhkəmə çəkişmələri onilliklərdir ki, davam edir.

Aynil

Sfera.az

İnsanların evinin yaxınlığındakı çimərliyə getməsini qadağan etmək istəyir