Bill Gates dünyanın ilk hidrogen yaxtasını 600 milyon dollara satır
Dünyanın ilk hidrogen superyaxtası 600 milyon dollardan çox qiymətə satışa çıxarılıb. Bu yaxta hidrogen yanacağı ehtiyatını -217 Selsi temperaturunda saxlamalıdır.
Sfera.az bildirir ki, dünyanın ilk hidrogen yanacaq hüceyrəli super yaxtasının “Microsoft”un qurucusu tərəfindən sifariş edildiyi iddia edilir. İndi isə yaxta rəsmi olaraq satışa çıxarılıb.
“Project 821” adlandırılan 119 metrlik superyaxta, bərpa olunan elektrik enerjisindən istifadə edərək suyun hidrogen və oksigenə parçalanması ilə əldə edilən yaşıl hidrogen üzərində işləmək üçün nəzərdə tutulub. Bu qaz diqqətlə hazırlanmış ikiqat divarlı çənlərdə -217 dərəcə Selsi temperaturda kriogen şəkildə saxlanmalıdır. Qeyd edək ki, tipik olaraq, yaxtalar dizel mühərriklərindən istifadə edirlər.
Dəbdəbəli gəmidə iki yataq otağı, idman zalı, ofislər və çoxsaylı vanna otağı, eləcə də cakuzi, sauna və kaminli ofislər var. Gəminin sahibinin buraya tam kitabxana yerləşdirə biləcəyi yer də var.
Hollandiyalı gəmiqayırma şirkəti “Feadship” bildirib ki, təxminən 646 milyon dollar dəyərində olan gəminin mayın 4-də Amsterdam tərsanəsində suya buraxılması yaxtaçılıq dünyasının əbədi olaraq dəyişəcəyi deməkdir. “Feadship”in məlumatına görə, qayığın enerji və qida ehtiyatı ona okeanın o tayında bir həftə səyahət etməyə imkan verir.
Hidrogen yanacaq elementləri ilə işləyən dünyanın ilk super yaxtasının milyarder və “Microsoft”un qurucusu Bill Gates tərəfindən sifariş edildiyi barədə şayiələr yayılsa da, o, bunu inadla təkzib edib. Eyni zamanda, yaxtanın ona aid olmadığına dair heç bir sübut təqdim etməyib.
Guya ekoloji cəhətdən təmiz olan super yaxtanın tikintisi tamamlanana qədər beş ildən çox vaxt aparıb. Son alıcı üçün hələ də xüsusi əlavələr edilməyib.
2020-ci ildə “Feadship” və dizayn firması “Sinot Yacht Architecture & Design”ın Bill Gates tərəfindən yaxtanın inşası üçün işə götürülməsi xəbərləri yayılsa da, özü bunu təsdiqləməyib. O, ehtiyac yaranarsa, yaxtalar icarəyə götürməyə davam edib.
Amma yaxtaçılıq sənayesinin ekspertləri qeyd edirlər ki, şirkətlər “Microsoft” yaradıcısının hidrogen yaxtası konsepti hazırladığını inkar etsə də, hamı bilir ki, Bill Qeyts naməlum tərsanədə yeni superyaxta tikmək üçün danışıqlar aparır.
Məhz bu ay Qeytsin hidrogen super gəmisini 600 milyon dollara satması xəbəri yayılıb. Həm də 25 milyona daha kiçik “Wayfinder” yaxtası da satılır. Bu, adətən daha böyük bir ana gəmini müşayiət edən kölgə gəmisi kimi hazırlanmış kiçik bir katamarandır. “Feadship” eko-superyaxtanın sahibi haqqında məlumatı açıqlamayacağını bir daha bəyan edib.
Aysel
Sfera.az
