12 min nəfər təxliyyə edildi, hava limanları bağlandı

Ötən gün İndoneziyada Ruanq vulkanının təkrar güclü püskürməsi başlayıb. Bu gün vulkan püskürməsi nəticəsində kül sütunu 5 kilometrdən çox hündürlüyə qalxıb.

Sfera.az xəbər verir ki, İndoneziya hakimiyyəti sərt tədbirlər görməyə, o cümlədən Tagulandang adasından insanları təxliyə etməyə məcbur olub. Bu barədə İndoneziyanın Təbii Fəlakətlərin İdarə Edilməsi üzrə Milli Agentliyi (BNPB) məlumat yayıb.

Regionun ən böyük 7 hava limanı bağlanıb elektrik enerjisi kəsilib, bu da xilasetmə işlərini koordinasiya etməyi çətinləşdirir.

Malayziya da daxil olmaqla yayılan kül sütunu, eləcə də isti lava axınları Ruanq dağının yamacının dənizə çökməsi və sunaminin baş verməsi təhlükəsi ilə birlikdə İndoneziya hakimiyyətini hava limanlarını bağlamağa məcbur edib. 12 min insan Taqulandang adasından şimala - Siau adasına təxliyə edilir. Xəbərdarlıq səviyyəsi 4-cü səviyyə kimi təyin edilib və aviasiya rəng kodu qırmızıya qaldırılıb.

Ruanq vulkanından bu enerji buraxılışının xarakterik xüsusiyyəti səmaya yüksək uçan və vulkanik şimşəklərin iştirakı ilə güclənən nəhəng isti lava sütunudur. Bu hadisələr çox aktiv vulkanik fəaliyyətin xarakterik əlamətləridir ki, bu da Yerin daxilindən atmosferə böyük miqdarda enerjinin buraxılması ilə müşayiət olunur. Şahidlərin sözlərinə görə, dağ sanki partlayıb, daş və çınqıl yağışı başlayıb. Daha sonra isə qeyd etdiyimiz kimi, daha böyük dağıdıcı vulkan təkrarlanıb.

BMKG milli agentliyinin meteoroloqları mayın 1-də vulkanik külün Borneo adasında artıq Malayziyanın şərqinə çatdığını göstərən xəritə yerləşdiriblər.

Bu bölgələrdə də hava nəqliyyatının hərəkəti dayandırılıb. Təhlükəsizliyi təmin etmək üçün Taqulandang bazasına enerji təchizatı kəsilib, lakin bu, telekommunikasiya siqnallarının zəifləməsi ilə nəticələnib və xilasetmə xidmətlərinin işini çətinləşdirib.

Ruang vulkanı

Hazırda təkrarlanan püskürmə Ruanq vulkanının 2 kilometrlik kül sütununu səmaya atmasından cəmi iki həftə sonra baş verib. Həmin vaxt hava nəqliyyatınıb hərəkəti də kəsilib.

Xatırladaq ki, İndoneziya Sakit Okeanın Atəş Halqası zonasında yerləşir və ölkədə 120 aktiv vulkan var.

Xanım

Sfera.az