Magistral yolun bir hissəsi uçdu: 18 avtomobil uçuruma düşüb, tələfat var

Çinin cənubundakı Quanqdonq əyalətində avtomobil yolu çöküb. Ölən və yaralananlar var.

Sfera.az bildirir ki, Quanqdonq əyalətində magistral yolun 17,9 metr uzunluğunda olan hissəsi dağılıb. Nəticədə 18 avtomobil yamacdan aşıb. Avtomobil yolunun çökməsinin səbəbi məlum deyil. 

KİV-in məlumatına görə, çökmə gecə saatlarında baş verib. Hadisə şahidləri uğultu eşidib və yolda çuxur yarandığını görüblər.

Uçqunun təxminən gecə saat iki radələrində baş verdiyi bildirilir. Hadisə şahidləri yüksək səs eşitdiklərini və arxalarında bir neçə metr enində dəliyin göründüyünü bildiriblər.
 
KİV-in məlumatına görə, azı 19 nəfər həlak olub, daha 30 nəfər isə xəstəxanaya çatdırılıb.

Dağılmanın səbəbi hələ də məlum olmasa da, Quanqdonq rəsmiləri bu yaxınlarda ekstremal hava hadisələrindən əziyyət çəkdiklərini bildirib. Xüsusilə, mavi yağış, sel və ölümcül tornadolar bölgə üçün xarakterik olub.

Xəstəxanaya yerləşdirilən yaralıların həyatının təhlükə altında olmadığı bildirilir, lakin xəsarətləri ilə bağlı əlavə təfərrüatlar açıqlanmır.

Aynil

Sfera.az