ABŞ Konqresinin Nümayəndələr Palatası Tiktokun ştatlarda qadağan edilməsi barədə qanun layihəsini təsdiqləyib.

Sfera.az xəbər verir ki, bu barədə ABŞ Nümayəndələr Palatasının spikeri Mayk Conson təklif edib.

Qanun layihəsinə əsasən, Tiktokun sahibi olan Çinin “ByteDance” şirkətinə sosial şəbəkəni satmaq üçün 9 ay vaxt veriləcək. Əgər şirkət ABŞ-ın şərtlərinə əməl etməzsə, o zaman Tiktok tətbiq mağazalarında qadağan olunacaq.

Qeyd edək ki, bu qanun layihəsi, hələ ABŞ senatı tərəfindən dəstəklənməli, daha sonra isə ABŞ prezidenti tərəfindən imzalanmalıdır.