İsrail Rəfah əməliyyatı üçün ehtiyatda olan qoşunları səfərbər edir

İsrail ordusu Qəzza zolağının cənubundakı Rəfah şəhərində əməliyyat aparmaq üçün ehtiyat əsgərlərdən ibarət iki briqada çağıracağını açıqlayıb.

Sfera.az xəbər verir ki, İsrail ordusunun radiosu da ordunun dünən gecə Karmeli (2) briqadası və 679-cu zirehli briqadanı səfərbər etdiyini bildirib və mümkün Rəfah əməliyyatının tarixini nəzərdən keçirdiyini açıqlayıb.

Açıqlamada hər iki briqadanın Qəzza zolağının mərkəzinə girəcəyi, birinin Qəzzanın şimalı ilə cənubunu ayıran Netzarim dəhlizini, digərinin isə Qəzza sahilindəki ABŞ estakadasının təhlükəsizliyini təmin edəcəyi vurğulanıb.

Qeyd olunub ki, ehtiyatda olan qoşunların səfərbər edilməsi Rəfah əməliyyatı ilə bağlıdır.

Əzizə