Azərbaycanda atmosferi ən çox avtomobillər çirkləndirir - RƏSMİ
Azərbaycanda atmosferə ən çox çirkləndirici maddələr avtomobillərdən atılır.
Sfera.az rəsmi məlumatlara istinadən xəbər verir ki, 2023-cü ildə 965 min ton çirkləndirici maddə atılıb. Son bir ildə atılan çirkləndirici maddələrin miqdarı 35 min ton, son iki ildə isə 86 min ton artıb.
2023-cü ildə atılan çirkləndirici maddələrin 821 min tonu, yəni 85 faizi avtomobillərin payına düşüb, qalanı (144 min ton) isə stasionar mənbələrdən (zavod, fabrik, ev, ofis və s.) atılıb.
Müqayisə göstərir ki, son illərdə stasionar mənbələrdən atılan çirkləndirici maddələrin miqdarı azaldığı halda, avtomobillərdən atılan maddələrin miqdarı artır. Son 2 ildə stasionar mənbələrdən atılan çirkləndirici maddələrin miqdarı 13 min ton azalıb, avtomobillərdən atılan çirkləndirici maddələrin miqdarı isə 98 min ton artıb.
Avtomobillərdən atılan çirkləndirici maddələrin çoxalmasının səbəbi benzin və dizellə işləyən köhnə avtomobillərin sayının artmasıdır.
Vasif
