Azərbaycanda uşaqların sayı getdikcə azalır - Üstünlük qızlardadır
Azərbaycanda uşaqların sayı getdikcə azalır.
Sfera.az bildirir ki, bunu iqtisadçı-ekspert Samir Əliyev deyib.
O, bununla bağlı statistik məlumatları bölüşüb: “Hər gün neçə-neçə körpə doğulur. Hər qurulan yeni ailədə ən azı bir körpə dünyaya gəlir. Belə olan halda azalma nə dərəcədə realdır? Bunu statistikamız deyir. Məsələn, çox da uzaq olmayan dövrdə - 2005-ci ildə əhalinin 31.8%-ni 17 yaşına qədər uşaqlar təşkil edirdisə, 2022-ci ildə bu göstərici 26.3%-ə düşüb. Təsəvvür edin, 19 il öncə əhalinin hər 3-cü şəxsi uşaq olduğu halda, hazırda bu rəqəm hər 4-cü şəxsə qədər azalıb”.
Ekspert bildirib ki, azalma özünü daha çox qız uşaqlarında göstərir:
“Bu müddətdə oğlan uşaqlarının sayı 2.1% artdığı halda, qızların sayı 6% azalıb. Bununla da, oğlan və qız uşaqları arasındaki gender fərqi 2.5%-dən 3.7%-ə yüksəlib”.
Günay
