Yoldan keçənləri “pul yağışı”na tutdu - VİDEO
14:22 / 31.10.2020
3716
Çinin Çunçin şəhərində qəribə hadisə baş verib.
Sfera.az xarici mətbuata istinadən xəbər verir ki, 30-cu mərtəbədə yaşayan şəxs mənzilinin pəncərəsindən yoldan keçənləri "pul yağışı”na tutub.
Sürücülər havada uçuşan pulu tutmaq üçün avtomobillərini dayandırıblar. İnsanlar avtomobillərdən düşüb pul toplamağa başlayıb. Nəticədə yolun bəzi hissələrində nəqliyyatın hərəkəti tamamilə iflic olub.
Hadisə yerinə polis cəlb olunub. Yerli hüquq-mühafizə orqanlarının əməkdaşları pulu eyvanından səpələyən şəxsi saxlayıblar. Onun narkotik maddənin təsiri altında olduğu müəyyənləşib.