Uğursuz ekspertlər həm özlərini, həm də medianı nüfuzdan salır - Kimdir günahkar?
12:00 / 21.01.2022
577
Mediaya
açıqlama verən ekspertlərin proqnozları bir çox hallarda özünü doğrultmur və bu
hal ekspert rəyinə ictimai etimadı zədələyir. Xüsusilə də gənc ekspertlərin şərhləri
daha çox qınanılmaqdadır.
Maraqlıdır,
ekspert kimə deyilir? Uğursuz ekspertlərin cəmiyyətə təqdim edilməsinin
qarşısını necə almaq olar?
Mövzu ilə
bağlı Sfera.az-a danışan media məsələləri üzrə ekspert Zeynal Məmmədli ekspertlərin
jurnalistlər tərəfindən yetişdirilməli olduğunu bildirib:
"Ekspertlərin
müəyyənləşdirilməsi birbaşa media orqanlarının işidir. Jurnalistər ekpsertləri
günahlandırmaqdansa, özlərini günahlandırmalıdırlar. Çünki ekspertləri məşhur
edən, tanıdan onlardır. Jurnalist eksperti yalnız seçməli yox, həm də gələcək
üçün yetişdirməlidir. Belə ki, ekspertlər jurnalistlər tərəfindən söz
yığcamlığı, açıqlamanın normalarına görə nizamlanmalıdır. Lakin bizim media bu gün
bir-birinin təkrarıdır, bir mətbuat orqanı hansısa mütəxəssisi tapıb danışdırsa
bilirsə, digəri də asanlıq baxımından həmin ekspertə üz tutur. Bunun bir səbəbi
qeyri-peşəkarlıqdırsa, bir səbəbi də mediada maaşların çox aşağı olmasıdır. Yəni
jurnalistlər elə maaş almırlar ki, işlərini itirməkdən qorxsunlar. Onlar
düşünürlər ki, yazıları bəyənilməsə belə, asanlıqla digər media orqanında eyni
maaşla iş tapa biləcəklər”.
Müsahibimiz
mediaya açıqlama verən ekspertlərin şərhlərinə pul ödənilməsinin daha müvafiq
olduğunu deyib:
"Məsələnin
ikinci tərəfi isə kimlərə ekspert adının verilməsi ilə bağlıdır. Ekspert bəlli
bir sahəsi olub, həmin sahədə ixtisaslaşan şəxsə deyilir. Hansısa sahə ilə
bağlı ixtisaslaşan və yaşı 40-ı keçən jurnalist də ekspert sayılır. 40 yaşdan
aşağı jurnalist ekspert kimi çıxış etməməlidir. Azərbaycanda isə 20 yaşında köşə
yazarları, ekspertlər var. Onlar nəyin ekspertidir? Nə vaxt yetişdilər?
Jurnalist araşdırma aparıb ekspertləri müəyyən etməlidir. Bəzən ekspertlər
media orqanına görə də fərqli açıqlama verə bilir.
Əzizə
Zeynal