Təhsil

Tələbələrin köçürülməsi qaydası dəyişir. Sfera.az-ın məlumatına görə, bu "Ali təhsil haqqında" qanun layihəsinin ilkin versiyasında əksini tapıb. Layihəyə əsasən, tabeliyindən, mülkiyyət növündən və təşkilati-hüquqi formasından asılı olmayaraq, Azərbaycan Respublikasının bütün ali təhsil müəssisələrinə (xüsusi təyinatlı ali təhsil müəssisələri istisna olmaqla) bütün təhsilalanların, əcnəbi və vətəndaşlığı olmayan təhsilalanların bir ali təhsil müəssisəsindən və ya təhsil proqramından

Azərbaycanda Milli Diplom Reyestri yaradılacaq. Sfera.az-ın məlumatına görə, bu "Ali təhsil haqqında" qanunun ilkin versiyasında əksini tapıb. Layihəyə əsasən, Milli diplom Reyestri ali təhsilin səviyyələri üzrə kvalifikasiya təsdiq edən diplom və diploma əlavələrin vahid mərkəzləşdirilmiş elektron sistemidir. Milli Diplom Reyestri müvafiq icra hakimiyyəti orqanı tərəfindən yaradılır, icrasına nəzarət edilir və fəaliyyətinin monitorinqi əsasında illik ictimai hesabatlılıqlar təmin edilir. Milli

Təhsil kreditləri Azərbaycan Respublikasının ali təhsil müəssisələrində və müvafiq icra hakimiyyəti orqanının müəyyən etdiyi elmi təşkilatlara təhsil haqqını və təhsil aldığı müddətdə təhsillə əlaqədar xərclərin tam ödənilməsi (yaşayış yerinin kirayəsi, yemək, tədris materialları, nəqliyyat xərcləri və s) üçün veriləcək. Sfera.az xəbər verir ki, bu barədə "Ali təhsil haqqında” qanun layihəsinin ilkin versiyasında qeyd olunub. Bildirilir ki, təhsil kreditlərinin mənbələri dövlət büdcəsindən

Dövlət sifarişi yerləri tələbə qəbulu üzrə müsabiqənin nəticələrinə əsasən boş qaldığı halda, Dövlət İmtahan Mərkəzi Təhsil Nazirliyi ilə razılaşdırmaqla həmin yerlərə eyni ixtisas (ixtisaslaşma) üzrə tələbə qəbulu imtahanlarının nəticələrinə əsasən ən yüksək bal toplamış ödənişli əsaslarla qəbul olmuş şəxsi, eyni ixtisas (ixtisaslaşma) üzrə təhsilalan olmadıqda isə eyni ixtisas qrupu üzrə tələbə qəbulu imtahanlarının nəticələrinə əsasən ən yüksək bal toplamış ödənişli əsaslarla qəbul olmuş

"Pandemiya dövründə insan inkişafını dondura bilmərik. Ona görə də təhsilin dayanıqlı formada təşkili təmin edilməlidir”. Sfera.az xəbər verir ki, bunu təhsil naziri Emin Əmrullayev deyib. Nazir qeyd edib ki, pandemiya dövründə təhsilin fundamental məqsəd və vəzifələri prinsipcə dəyişməyib: "Əsas məsələ də budur. Bacardıqca daha çox insan üçün keyfiyyətli təhsil təmin edilməlidir. Çalışmalıyıq ki, sosial-iqtisadi və digər amillər şagirdlərin təhsil almalarına təsir göstərməsin”. E.Əmrullayev

Təhsil Nazirliyi Sumqayıt Dövlət Universitetinin (SDU) standart ölçülü futbol meydançasının iki yerə bölünərək, ortasından asfalt çəkilməsi ilə əlaqədar araşdırmalara başlayıb. Bu barədə nazirlikdən bildirilib. Məsələ ilə əlaqədar açıqlamanın veriləcəyi əlavə olunub. "Məsələ ilə bağlı araşdırma gedir, açıqlama veriləcək" deyə sorğuya cavabda vurğulanıb. Qeyd edək ki, SDU rəhbərliyi meydançanı iki yerə bölərək, ortasından asfalt çəkmələrini bir korpusdan digərinə gediş-gəlişi rahatlaşdırmaq

Bakı şəhəri 323 nömrəli tam orta məktəbin 32 nəfər XI sinif şagirdinin texniki xəta səbəbindən buraxılış imtahanlarında iştirak edə bilməməsi ilə bağlı yaranan problem şagirdlərin xeyrinə müsbət həllini tapıb. Bu barədə Bakı Şəhəri üzrə Təhsil İdarəsindən məlumat verilib. Qeyd olunub ki, bu barədə valideynlərə məlumat verilib: "Belə ki, onların "Şagird-məzun” dövlət elektron məlumat sisteminə daxil edilməsi təmin olunub. Qeyd olunan şagirdlər DİM tərəfindən təşkil olunacaq buraxılış

Siyəzən Rayon Polis Şöbəsinin əməkdaşları rayon ərazisində xidmət aparan zaman, repetitor fəaliyyəti ilə məşğul olan rayon sakini Vüqar Abdullayevin karantin qaydalarını pozması halı aşkar edilib. Daxili İşlər Nazirliyinin Mətbuat Xidmətinin Quba rayonunda regional qrupundan verilən məlumata görə, həmin şəxsin 22 nəfər şagirdlə bir otaqda dərs keçməsi müəyyən edilib. Polis əməkdaşları tərəfindən V.Abdullayevin törətdiyi qanunazidd hərəkətin qarşısı alınıb, yeniyetmələr isə ailələrinə təhvil

Sumqayıt Dövlət Peşə Təhsil Mərkəzində müəllim və tələbə heyəti arasından 9 nəfər şəxsin COVID-19 testi pozitiv çıxması səbəbindən Sumqayıt şəhər Gigiyena və Epidemiologiya Mərkəzinin qərarı əsasında 13 aprel tarixindən etibarən Mərkəzdə əyani tədris prosesi müvəqqəti olaraq dayandırılıb. Bu barədə Sfera.az-a Peşə Təhsili üzrə Dövlət Agentliyindən bildirilib. Qeyd edilib ki, təhsil müəssisələrində koronavirus infeksiyasına qarşı tələbələrin və məktəbin pedaqoji heyətinin daha etibarlı qorunması

Dövlət İmtahan Mərkəzi bu gün növbəti tam (11 illik) orta təhsil səviyyəsi üzrə buraxılış imtahanları keçirəcək. Mərkəzdən Sfera.az-a verilən məlumata görə, imtahanlar saat 11:00-da başlayacaq. İmtahanların başlanmasına 15 dəqiqə qalmış – saat 10:45-də buraxılış rejimi başa çatır. Bundan sonra gələn iştirakçılar imtahan binasına buraxılmır. Kütləviliyin və təmas hallarının qarşısının alınması məqsədilə imtahan iştirakçıları üçün imtahan binasına müxtəlif daxilolma vaxtları müəyyən edilib və

Dövlət İmtahan Mərkəzi bu gün tam orta təhsil bazasında (11 illik) buraxılış imtahanları keçirib. Sfera.az xəbər verir ki, pandemiya şəraitinin tələblərinə əsasən iştirakçıların yalnız tibbi maska ilə imtahan binasına daxil olmasına icazə verilib. Buraxılış rejimi yeni qaydalara uyğun şəkildə tənzimlənib, imtahan heyəti müvafiq qoruyucu vasitələrlə (əlcək, üz sipəri, tibbi maska və s.) təmin olunub. İmtahanlar 11 şəhər və rayonda keçirilib. İmtahanların təşkil edilməsi üçün ümumilikdə 36

Vətən müharibəsi ilə bağlı qəbul imtahanına salınacaq mövzular açıqlanıb. Sfera.az-ın məlumatına görə, Qarabağ uğrunda Vətən müharibəsinə (İkinci Qarabağ müharibəsi) dair "Abituriyent” jurnalının 1-ci sayında tarix fənni üzrə qəbul proqramında verilmiş mövzular əsasında Azərbaycan və rus dilində hazırlanmış məqalə ilə aşağıdakı keçidlər vasitəsilə tanış ola bilərsiniz: Qarabağ uğrunda Vətən müharibəsi (İkinci Qarabağ müharibəsi); Oтечественная война за Гарабаг (Вторая Гарабагская война).

Ucar rayonunda daha 6 orta məktəb koranavirusa görə bağlanıb. Sfera.az xəbər verir ki, Ucar rayon Gigiyena və Epidemiologiya Mərkəzinin rəyi əsasında rayonun Qazyan 1 saylı, Alpout 2 saylı, Qarabörk, Rəstəcə, Küçəkənd tam orta məktəbləri və Bərgüşad ümumi orta məktəblərində əyani təhsil müvəqəti olaraq dayandırılıb. Buna səbəb adıçəkilən məktəblərdə ümumilikdə 11 müəllimdə COVID-19 testinin nəticələri pozitiv çıxmasıdır. Fəaliyyəti dayandırılmış məktəblərdə dərslərin onlayn rejimdə tədrisinə

Bu ilin I rübü ərzində diplomların tanınması üzrə müraciətlərin statistikası açıqlanıb. Sfera.az xəbər verir ki, ötən dövr ərzində Təhsildə Keyfiyyət Təminatı Agentliyinə 678 müraciət daxil olub. Onlardan 493-ü barədə müsbət qərar verilərək müvafiq şəhadətnamələr təqdim edilib, 185 nəfərin müraciətinə isə mənfi cavab verilib. Tanınma üzrə müraciətlərin icrası yanvar ayı üzrə 21, fevral ayı üzrə 14, mart ayı üzrə isə 20 gün ərzində tamamlanıb. Tədris dili üzrə bilik səviyyəsinin qənaətbəxş

Ağdaşda daha dörd orta məktəb distant təhsilə cəlb olunub. Sfera.az”Report”a istinadən xəbər verir ki, rayonun Aşağınemətabad, Ortaləki, Qəsl və Qülbəndə kənd tam orta məktəblərinin hər birində 1 müəllimdə COVİD-19 testinin cavabı pozitiv çıxıb. Bu səbəbdən Ağdaş rayon Gigiyena və Epidemiologiya Mərkəzi tərəfindən dərs prosesi distant təhsilə keçirilməsinə qərar verilib. Məktəb rəhbərliyi tərəfindən şagird və valideynlər xəbərdar edilib. Hazırda adı çəkilən məktəblərdə dərslər distant şəkildə

Dövlət İmtahan Mərkəzinin (DİM) fəaliyyəti dövründə buraxılış, qəbul, eləcə də digər müxtəlif təyinatlı imtahanların məzmununda, qəbul proqramları və qaydalarında dəyişiklik edilib, müəyyən təkmilləşdirmələr aparılıb. Eyni zamanda, DİM tərəfindən yeni növ imtahanlar keçirilməyə, vətəndaşlara yeni növ xidmətlərin göstərilməsinə başlanılıb. Sfera.az xəbər verir ki, bu fikirlər Dövlət İmtahan Mərkəzinin Direktorlar Şurasının sədri Məleykə Abbaszadənin DİM-in yaradılmasının 5-ci ildönümünə həsr

Azərbaycan Respublikasının Prezidenti İlham Əliyev Azərbaycan Tibb Universitetinin əməkdaşlarına fəxri adların verilməsi haqqında sərəncam imzalayıb. Sfera.az xəbər verir ki, sərəncama əsasən, Azərbaycan Tibb Universitetinin 90 illiyi münasibətilə Azərbaycanda tibb elminin və təhsilinin inkişafında xidmətlərinə görə Azərbaycan Tibb Universitetinin aşağıdakı əməkdaşlarına Azərbaycan Respublikasının fəxri adları verilib. "Əməkdar elm xadimi” Allahverdiyeva Lalə İsmayıl qızı Bağırova Hicran

Samux rayonunda aprel ayı ərzində 17 nəfərdə koronavirus aşkar olunub. Sfera.az xəbər verir ki, 6 müəllim və 11 şagirdin sözügedən infeksiyaya yoluxması müəyyən olunub. İnfeksiyaya yoluxan şagirdlər əsasən 5 və 9-cu sinif şagirdləridir. Sərhəddin Əliyev adına 2 nömrəli orta məktəbin fəaliyyəti isə dayandırılıb. Orta tədris müəssisəsində 14 günıük karantin tətbiq edilib, sözügedən məktəbin şagirdləri distant təhsilə cəlb olunub.

Oğuz şəhər 3 saylı məktəb-lisey bağlanıb. Sfera.az-ın məlumatına görə, buna səbəb tədris ocağının 5 müəllim və 2 texniki işçisində koronavirus aşkarlanmasıdır. Oğuz Rayon Təhsil Şöbəsinin müdiri Anar Məcidov "Report"un yerli bürosuna bildirib ki, məktəb iki həftə bağlı qalacaq. Hazırda məktəbdə dərslər onlayn qaydada keçirilir.

Təhsil Nazirliyinin bir neçə tabeli qurumunda müvafiq vəzifələrə təyinat olub. Sfera.az-ın Unikal.org-a istinadən verdiyi məlumata görə, Təhsil naziri Emin Əmrullayevin əmri ilə, Nigar Əhmədzadə MDM-in Metodik xidmət şöbəsinə, Elxan Nəcəfov Təhsil İnstitutunun Metodik Dəstək Mərkəzinin (MDM) Əlaqələndirmə şöbəsinə, Nailə Ömərova Təhsil İnstitutunun Layihə katibliyinin rəhbəri vəzifəsinə təyinat alıblar. Qeyd edək ki, N.Ömərova 2020-ci ildən Təhsil İnstitutunun Layihə katibliyində baş mütəxəssis

Dünyanın ən məşhur dərgilərindən olan "Forbes” jurnalının yaşı 30-dan aşağı olan 30 ən istedadlı ixtiraçı və innovatorlar siyahısına daxil edilən azərbaycanlı Reyhan Camalova ABŞ-ın bir neçə nüfuzlu universitetinə qəbul olunub. Sfera.az xəbər verir ki, bu barədə gənc ixtiraçı öz feysbuk səhifəsində yazıb. Onun qəbul olduğu universitetlər arasında Stanford, Pensilvaniya, Dyuk və digər universitetlər var: 1. Stanford Universiteti 2. Pensilvaniya Universiteti - Penn Dünya Təqaüdçüsü (Penn World

"Distant təhsilin ailələr üçün böyük stres və diskamfort yaratdığını bilirəm. Bunu başa düşürük. Məncə cəmiyyətdə elə təəssürat yaranmamalıdır ki, Təhsil Nazirliyi bunu bilmir və yaxud bundan xəbəri yoxdur. Distant tədrisə pandemiyanın törəməsi kimi baxmalıyıq”. Sfera.az xəbər verir ki, bunu təhsil naziri Emin Əmrullayev bildirib. Onun sözlərinə görə, bəzi problemlərin qısa müddətdə aradan qaldırılması real görünmür: "Bəzi qəsəbələrdə qısa müddətdə internetin təmin edilməsi obyektiv səbəblərdən

Tovuz rayonunun Qovlar şəhərində İnteqrasiya Təlimi İnternat Tipli Gimnaziyanın 5 sinfi koronavirus səbəbindən bağlanılıb. Sfera.az xəbər verir ki, gimnaziyanın 5 müəllimi və 3 şagirdi COVİD-19-a yoluxub. Bu səbəbdən tədris müəssəsinin iki 3-cü, iki 4-cü və bir 9-cu sinfi bağlanıb. Bu siniflərin şagirdləri üçün tədris distant formada keçirilir. (Report)

Məktəbəqədər təhsil müəssisələrində tədris davam etdirilir. Sfera.az bildirir ki, bunu jurnalistlərə açıqlamasında Bakı Şəhər İcra Hakimiyyətinin şöbə müdiri Elmin İmanov bildirib. Onun sözlərinə görə, öncə bağçaların fəaliyyəti dayandırmaq qərarı verilsə də, sonradan bu qərar dəyişdi: "Artıq məlumdur ki, ötən gündən ümumtədris mərkəzləridə təhsilin əyani formada keçirilməsi müvəqqəti olaraq dayandırılıb və distant təhsilə keçirilib. Təbii ki, insanlarda belə bir sual yaranır ki, məktəbəqədər