Tramp universitetlərə nəzarəti gücləndirəcək - Xaricdən alınan...
Donald Tramp ABŞ-də fəaliyyət göstərən universitetlərin xarici mənbələrdən daxil olan vəsaitlərini nəzarətə götürmək haqqında sərancam imzalayıb.
Sfera.az “Anadolu" Agentliyinə istinadən xəbər verir ki, bu sərəncamlar ali məktəblərdə xaricdən maliyyələşdirmə ilə bağlı şəffaflıq səviyyəsini artırmaq məqsədini güdür.
Yeni sərəncama görə, universitetlər xaricdən aldıqları maliyyə vəsaitlərinin mənbəyini və təyinatını tam və vaxtında açıqlamalıdır. Əvvəlki qaydalar bu üsulların təfərrüatlarını gizlətmələrinə imkan verirdi. Lakin Trampın imzaladığı sərəncamla bu qaydaların ləğv edilməsi nəzərdə tutulub. ABŞ ictimaiyyəti bundan sonra xarici maliyyə axınları haqqında daha geniş məlumat əldə edəcək. Qaydalara əməl etməyən universitetlər isə ciddi yoxlamalar, araşdırmalar və sanksiyalarla üzləşə bilərlər.
Sərəncamda, şəffaflıq qaydalarına riayət etməyən qurumlara verilən federal qrantların ləğv olunacağı da vurğulanıb. Bu addımların məqsədi təhsil sahəsində daha yüksək hesabatlılıq təmin etməkdir.
Fidan Hacızadə
