Aİ Fransaya görə narahatdır: "Makronun şansı yoxdur"
Fransadakı siyasi qeyri-müəyyənlik Avropa İttifaqını narahat edir.
Sfera.az bildirir ki, bununla bağlı bir sıra iddialar səsləndirilir. Belə ki, ötən aylarda keçirilən seçkilərdən sonra uyğun bir Baş nazir tapıb təyin etmək üçün 51 gün sərf edən Makron bu dəfə çox daha sürətli təyinat etməyi hədəfləyir.
Bəzi mənbələr Makronun Notr-Dam kilsəsində keçiriləcək mərasimdən əvvəl yeni Baş naziri təyin etmək istədiyini bildirir. Analitiklərin fikrincə, Fransa lideri tez bir zamanda yeni Baş naziri müəyyənləşdirsə də, ölkədəki siyasi böhrandan dərhal çıxmaq mümkün deyil. Buna səbəb isə yeni Baş nazirin sələfi Barnier ilə eyni problemləri yaşayacağıdır. “Makronun gələn yaya qədər parlamenti buraxmaq və ölkəni seçkilərə aparmaq şansı yoxdur”, - ekspertlər qeyd edir.
Almaniyanın erkən seçki əhval-ruhiyyəsi, ABŞ-də yeni Tramp dövrünün başlaması, Ukrayna müharibəsinin gedişatının qeyri-müəyyənliyi, indi isə Fransadakı siyasi böhran Aİ-ni dərindən düşünməyə vadar edir. Bildirilir ki, təşkilatın ən güclü iki üzvü olan Almaniya və Fransada hər hansı “nasazlıq” Aİ-yə çox sürətli təsir göstərə bilər.
Günay
