Ümumdünya Səhiyyə Təşkilatı (ÜST) sürətlə yayılan və 8 nəfərin ölümünə səbəb olan "göz qanaması xəstəliyi" ilə bağlı xəbərdarlıq edib. Xəbərdarlığa görə, əgər vacib ehtiyat tədbirləri görülməsə, virus hər yerə yayılacaq.

Sfera.az Türkiyə mediasına istinadən xəbər verir ki, Afrika ölkəsi olan Tanzaniyada artıq bir neçə insanda göz qanaması faktı qeydə alınıb. Həkimlər deyir ki, vaxtında zəruri tədbirlər görülməsə, bu virus Ebola kimi bir virus daşıyıcısına çevrilə bilər.

İndiyə qədər ortaya çıxan ən ölümcül patogenlərdən biri olan göz qanaxması xəstəliyinə doqquz nəfər yoluxub və səkkiz nəfər bu səbəbdən həyatını itirib. Xəstəliyə qarşı peyvənd və ya müalicəsi olmadığı üçün həkimlər infeksiyadan qorunmaq üçün tədbirlər görməyə başlayıblar.

ÜST Afrika ölkəsinin şimal-şərqindəki Kagera bölgəsinə qruplar göndərib. Həkimlərə Ruanda və Burundi kimi qonşu ölkələrdə baş verən hadisələrdən ehtiyatlı olmaları barədə xəbərdarlıq edilir. Mütəxəssislər ilkin sınaqlara əsaslanaraq günahkarın Marburq virusunun olduğunu düşünürlər. Ebola virusu ilə “qohum” olan Marburq virusu insanların ağızdan qan axmasına səbəb olur və on xəstədən doqquzunu öldürür.

Marburqda 88 faizə qədər ölüm nisbəti var. Hazırda virusu müalicə etmək üçün təsdiqlənmiş peyvənd və ya müalicə yoxdur. Marburq, orqan və qan damarlarının zədələnməsi nəticəsində yaranan, daxili qanaxma və ya gözlərdən, ağızdan və qulaqlardan qanaxmaya səbəb olan hemorragik qızdırma xəstəliyidir. Virus yoluxmuş şəxsin bədən mayelərinə, çirklənmiş əşyalara və ya yoluxmuş vəhşi heyvanlara toxunmaqla və ya ələ keçirməklə yayıla bilər.

Mütəxəssislər bildirirlər ki, Marburq hemorragik qızdırmasının ilkin mərhələsində onu Ebola və malyariya kimi digər tropik xəstəliklərdən ayırmaq çətindir. Yoluxmuş xəstələrdə üz ümumiyyətlə rəngsizləşir və gözlər dərindən çökür. ÜST-nin rəhbəri "X"da verdiyi açıqlamada bildirib ki, xəstəliyə nəzarət yaxşılaşdıqca yaxın günlərdə daha çox hal aşkarlanacaq.

Vasif

Sfera.az

Dünyada yeni VİRUS HƏYƏCANI: ölümcüldür, müalicəsi yoxdur... - RƏSMİ XƏBƏRDARLIQ!