Bu xərçəng növünə yoluxma halları ARTIB - 50 yaşdan aşağı..

Xərçəngin dünyada ən çox yayılmış növlərindən biri də kolon xərçəngidir. Türkiyədə 3-cü yerdə olan bu xəstəlik 40-50 yaş və daha yuxarı insanlar üçün böyük risk yaradır.

Sfera.az xəbər verir ki, kolon xərçəngi 40-50 yaş aralığında olan insanlarda daha çox görülür, hətta 50 yaşdan aşağı insanlar üçün bir riskdir.

Dünyada kolorektal xərçəng hallarının artması ciddidir. Bir il ərzində 1,9 milyon (9,6%) yeni kolon xərçənginə tutulma və 903 min (9,3%) ölüm halı aşkar edilib və bu, həkimlərin diqqətini çəkir.

Son araşdırmaya görə, 40, 30 və hətta 20 yaşlı insanlarda bu xərçəngə tutulma halları son 30 ildə 50 faiz artıb. Erkən diaqnostika və müdaxilə kolon xərçənginin müalicəsində mühüm rol oynayır. Yeni başlayan qəbizlik kolon xərçənginin əlaməti ola bilər. Bu xəstəlik qarın ağrısı və ya nəcisdə qan kimi digər simptomlarla müşayiət olunur.

Davamlı və ya səbəbi bilinməyən qarın ağrısı kolon xərçənginin ümumi simptomudur.

Ülkər Abdurahmanlı