İtlərin hücumuna məruz qalan azyaşlının vəziyyəti AÇIQLANDI
![İtlərin hücumuna məruz qalan azyaşlının vəziyyəti AÇIQLANDI](https://sfera.az/photo/orginal/2024/03/05/1709624445_65e6c7885022465e6c78850225170962317677f6fbc8c0c5d14903a795ef189f13ec.jpg)
Sağlıq
11:38 / 05.03.2024
3887
İt parçalayan 9 yaşlı uşağın vəziyyəti ağır stabil olaraq qalır.
Sfera.az xəbər verir ki, bu barədə APA-nın sorğusuna cavab olaraq Kliniki Tibbi Mərkəzin mətbuat xidmətinin rəhbəri Ruzbeh Məmməd məlumat verib.
O bildirib ki, azyaşlının müalicəsi reanimasiyada davam etdirilir.
Xatırladaq ki, martın 3-ü saat 17:37 radələrində “Qobu Park-3” yaşayış kompleksinin yaxınlığında it dişləməsi səbəbi ilə Respublika Təcili və Təxirəsalınmaz Tibbi Yardım Mərkəzinə çağırış daxil olub. Azyaşlıda çoxsaylı, müxtəlif ölçülü dişlənmiş, cırılmış, əzilmiş və soyulmuş yaralar müşahidə edilib. Təcili olaraq əməliyyata götürülən azyaşlıya tibbi yardım göstərilib və Reanimasiya şöbəsinə yerləşdirilib.