Cənubi Koreya ilə danışıqlarda iştirak edən Şimali Koreya generalı Rusiyada olmasından istifadə edərək, üçüncü ölkəyə qaçıb.

Sfera.az xəbər verir ki, bu barədə informasiyanı Cənubi Koreyanın “Tona ilbo” qəzeti yayıb.

Qəzetin məlumatına görə, Pak Sın Von adlanan general bu il Moskvadakı üçüncü ölkənin səfirliyindən siyasi sığınacaq istəmişdi. Hələlik onun hansı ölkəyə qaçdığı haqqında heç bir məlumat verilmir.

Qeyd edək ki, Pak Sın Von bundan öncə Rusiyada çalışıb. Onun başqa ölkəyə qaçmasına əsas səbəb kimi son günlər Şimali Koreyada yüksək hərbi rütbəli şəxslərə qarşı təzyiq və edamların artması göstərilib.