İntihara səbəb olan məşhur onlayn oyun qadağan edildi
Maraqlı
18:44 / 10.04.2018
6177
Misirin ali islam orqanı "Dar al-İfta” sosial şəbəkələr vasitəsilə yayılan "Göy balina” onlayn-oyununa qadağa qoyulması barədə fətva verib.
Sfera.az Misir mətbuatına istinadla xəbər verir ki, ekspertlərin fikrincə, bu oyun yeniyetmələri intihara sövq edir. Misirin bəzi KİV-lərində dərc edilmiş məlumatlarda bir neçə yeniyetmənin intihar etməsinin məhz bu oyunla bağlı ehtimal olmasını göstərirdi.
O cümlədən Misir Parlamentinin keçmiş üzvü Hamdi al Faharaninin 18 yaşlı oğlu da bu oyunun qurbanlarından olub. Onlayn-oyunun digər qurbanı olan 15 yaşlı qız isə siçovul zəhəri içərək intihara cəhd edib. Xoşbəxtlikdən, tibb işçiləri onun həyatını xilas ediblər.
Oxşar hadisələr barədə daha əvvəl İordaniyada və Tunisdə də xəbər yayılıb.
Onlayn-oyunlar üzrə Misir Birliyinin sədri Şərif Əbdül Bakı bu oyunların bağlanması barədə tələbləri şərh edərək bildirib ki, hər hansı saytı və bu tip oyunları bağlamaq çox yüksək texniki imkanlar lazımdır. Onun sözlərinə görə, oyunların bağlanması vəziyyətdən çıxış yolu deyil. Əksinə yerli əyləncəli oyunlar yaradılmalı və maarifləndirmə kampaniyaları aparılmalıdır.
