Azərbaycanda bu tibb işçilərinin sayı azalıb – RƏSMİ
Sağlıq
12:55 / 19.02.2018
2124
Azərbaycanda orta tibb işçilərinin sayı azalıb.
Azərbaycan Respublikasının Səhiyyə Nazirliyinin mətbuat xidmətindən Sfera.az-a bu haqda məlumat verilib. Sorğumuza cavab olaraq bildirilib ki, 2017-ci ilin əvvəlində Azərbaycanda həkimlərin sayı 32 min 189 nəfər olub. 2016-cı ilin əvvəlində isə bu rəqəm 32 min 458 nəfər olub. 2017-ci ilin əvvəlinə aid olan rəqəmlərdə isə orta tibb işçilərinin sayı 54 min 457 nəfər olub ki, bu da daha öncəki illə müqayisədə azalma deməkdir. Belə ki, 2016-cı ilin əvvəlində orta tibb işçilərinin sayı 54 min 900 nəfər olub.
Qeyd edək ki, yüksək inkişaf etmiş ölkələrdə əhalinin hər 100 min nəfərinə orta hesabla düşən cərrahların sayı 70 və daha çox olur.
Aydan Lətifova
