Bu ölkə İsrailə səfərləri qadağan etdi - FOTO
Banqladeş hökuməti İsraillə diplomatik münasibətləri dayandırdığı üçün bu ölkəyə vətəndaşlarının səfərlərini qadağan edən yeni qərar qəbul edib. 13 aprel 2025-ci ildə qəbul edilən qərara əsasən, Banqladeş pasportlarında bundan sonra “Bu pasport, İsrail istisna olmaqla dünyanın bütün ölkələrində keçərlidir” ifadəsi yer alacaq.
Sfera.az "En Son Haber"ə istinadən xəbər verir ki, Daxili İşlər Nazirliyi tərəfindən yayımlanan yeni göstərişlə qüvvəyə minən bu qərar vətəndaşların İsrailə səfərini faktiki olaraq qadağan edir.
Qeyd edək ki, bu cür ifadə son olaraq 2021-ci ildə pasportlara əlavə olunmuş, lakin ictimai təzyiqlər və beynəlxalq reaksiyalar səbəbilə sonradan çıxarılmışdı.
Banqladeş mediasının verdiyi məlumata görə, bu qərar paytaxt Dəkkədə minlərlə insanın iştirakı ilə keçirilən “Azad Fələstin” mitinqindən dərhal sonra qəbul edilib. Analitiklər bu addımı həm daxili ictimai təzyiqlərin, həm də Banqladeşin beynəlxalq arenada Fələstin məsələsində tutduğu prinsipial mövqenin göstəricisi kimi dəyərləndirirlər.
Bəsti Rəfizadə
