ABŞ Konqresi 2001-ci il sentyabrın 11-də törədilən terror aktında əli olan üç müttəhimlə razılaşmada Ağ Evin rolunu araşdırmağa başlayıb.

Sfera.az "The New York Post”a istinadən xəbər verir ki, iyulun 31-də Pentaqon terror aktı qurbanlarının ailələrinə məktub göndərib və bu məktubda üç müttəhimin ölüm cəzası ömürlük həbslə əvəz olunacağı təqdirdə günahlarını etiraf etməyə hazır olduqları bildirilib.

Ağ Evin sözçüsü Con Kirbinin sözlərinə görə, Cozef Bayden administrasiyası son vaxtlara qədər bu razılaşma haqqında heç nə bilmirdi. Prezident ABŞ Müdafiə Nazirliyi ilə əlaqə saxlamağı və bu məsələni müzakirə etməyi tapşırıb.

ABŞ Nümayəndələr Palatasının Nəzarət Komitəsinin rəhbəri Ceyms Kommer öz növbəsində qeyd edib ki, sövdələşmənin vaxtı Baydenin prezidentliyi ilə üst-üstə düşür, üstəlik şübhəli şəxslərlə razılaşma tamamilə qeyri-şəffafdır.

İnci
Sfera.az