Zelenski bu prezidentləri tənqid atəşinə tutacaq - İDDİA

Ukrayna rəsmilərinə İsveçrədəki konfransda iştirak etmək istəmədikləri üçün ABŞ Prezidenti Co Bayden və Çin sədri Si Cinpini tənqid etmək tapşırılıb.

Sfera.az bildirir ki, "Financial Times"ın məlumatına görə, onlar belə bir sifarişi Volodimir Zelenskinin ofisindən alıblar. Hətta bu məsələ ilə bağlı rəsmilər və diplomatlar üçün xüsusi memorandum da veriblər.

Nəşrin məlumatına görə, orada qərb tərəfdaşları ilə söhbətlər zamanı etibar edilə bilən tezislər yer alıb. Memo rəsmiləri ABŞ və Çin liderlərini konfransda şəxsən iştirak etmək istəmədiklərinə görə açıq şəkildə tənqid etməyə çağırır.

Qeyd edilir ki, Baydenin İsveçrədəki sammitdə iştirak etməməsi barədə Ukrayna əvvəlcədən xəbərdar edilib. ABŞ-ni tədbirdə yüksək rütbəli məmur təmsil edəcək.

Xatırladaq ki, Ukrayna üzrə konfrans iyunun 15-16-da İsveçrədə keçiriləcək. Burada 60-dan çox ölkə iştirak etməyi planlaşdırır.

İnci
sfera.az