İsrailin texnologiya şirkəti səhiyyə ilə bağlı virtual reallıq proqramı HAZIRLADI

İsrailə aid texnologiya şirkəti səhiyyə işçilərinə virtual reallıq proqramı hazırlayıb.

Sfera.az xəbər verir ki, "OtheReality" tərəfindən hazırlanmış virtual reallıq eynəkləri həkimlərə və səhiyyə işçilərinə xəstələrlə daha yaxından empatiya qurmağa imkan verir. 

Cib telefonuna quraşdırılmış proqramla inteqrasiya olunmuş cihaz sayəsində həkimlər xəstələrin nöqteyi-nəzərindən müəyyən ssenariləri yaşaya bilirlər. 

"Həkim xəstəni problem kimi deyil, problemlə mübarizə aparan bir insan kimi görməlidir", - şirkət rəsmisi Yotvat Palter-Dycian deyib. Şirkətin baş direktoru Elik Almog virtual reallıq eynəklərinin idarə olunan mühitdə sınaqdan keçirildiyini, həkim və səhiyyə işçilərinin cihazdan istifadə etdikdən sonra təcrübələrini bölüşdüklərini, beləliklə də xəstə ilə daha səmərəli ünsiyyət qurmağı hədəflədiklərini bildirib.

Bu məqsədlə mobil telefondakı tətbiqdə cihazı istifadə etdikdən sonra yaşanan təcrübələrlə bağlı bəzi suallar soruşulur. 

Virtual reallıq eynəklərindən istifadə edənlər xəstəni nəyin narahat edə biləcəyi və bunlarla bağlı fərqli davranışların necə sərgilənə biləcəyi haqqında məlumat ala biləcəklər.

İnci