Rusiyanın Ukraynadakı növbəti hədəfi BU ŞƏHƏRDİR
Ukraynanın "Axilles" pilotsuz uçuş sistemləri bölüyünün komandiri Yuri Fedorenko Rusiyanın növbəti hədəfini açıqlayıb.
Sfera.az UNİAN-a istinadən xəbər verir ki, Fedorenkonun iddiasına görə rus işğalçılarının prioritet vəzifələrindən biri ölkənin Baxmut rayonunda yerləşən Çasov Yar şəhərinin işğalıdır.
O, bunu qatıldığı telemarafonda rus işğalçılarının Baxmut istiqamətində hücumu ilə bağlı sualı cavablandırarkən deyib. Adıçəkilən şəhər ölkənin şərqində yerləşir və 12-13 min əhalisi var.
Fedorenko deyib ki, Rusiya ordusu şəhər istiqamətində hücumlarını artırıb və digər amillərlə yanaşı, hava şəraitindən də istifadə edərək, günün istənilən vaxtında, gecə-gündüz hücuma keçməyə çalışır:
“Açığını deyim ki, düşmənin istifadə etdiyi qüvvə və vasitələrin miqdarı inanılmaz dərəcədə böyükdür. Lakin müdafiə qüvvələrimiz düşmənin hücumlarını dəf etməyə nail olur".
Eyni zamanda, o qeyd edib ki, düşmənin yalnız Çasov Yara təzyiq etdiyini söyləmək olmaz, çünki hücumlar başqa istiqamətlərdə, xüsusən də İvanov istiqamətində də aparılır: "Bir neçə gün əvvəl zirehli texnikanın iştirakı ilə irimiqyaslı hücum olub. Amma bu hücum uğursuzluqla nəticələnib və Rusiyanın buradakı potensialını, o cümlədən 20-dən çox ağır texnikasını tamamilə məhv etmək mümkün olub".
Xatırladaq ki, Risiya ordusu son günlər Ukraynanın şərqində bir neçə yaşayış məntəqəsini işğal edə bilib. İşğal olunan yaşayış məntəqələri Donetsk vilayətinə daxildir.
Vasif
