Rusiya ordusu Ukraynanın Donetsk vilayətində yerləşən Pobeda qəsəbəsini nəzarətə götürüb. 

Sfera.az xəbər verir ki, bu haqda məlumatı Rusiya Müdafiə Nazirliyi açıqlayıb. 

Rusiya ordusunun Ukraynada hücumlarını davam etdirdiyi qeyd edilən açıqlamada bildirilir ki, Cənub Qüvvələr Qrupunun bölmələri Donetsk istiqamətində Pobeda qəsəbəsini "azad edərək" cəbhə xəttindəki mövqelərini yaxşılaşdırıb. 

Bundan əlavə, bəyanatda ABŞ istehsalı olan “Patriot” Hava Hücumundan Müdafiə Sisteminin vurulduğu, Ukrayna ordusuna məxsus 95 pilotsuz uçuş aparatının (PUA) məhv edildiyi də vurğulanıb. 

Xatırladaq ki, Rusiya Müdafiə Nazirliyi bir müddət əvvəl Ukraynanın Avdeyevka şəhərini də nəzarətə götürüldüyünü açıqlamışdı.

Vasif