ABŞ Ohayoda yeni evlənənlər qeyri-adi yerdə toylarını keçiriblər. Gənclər nigahlarını yanacaqdoldurma məntəqəsindəki tualetdə bağlayıblar.

Sfera.az bildirir ki, bir neçə illik tanışlıqdan sonra Kentukkidən olan Logen Abney və Tiana Aylstock evlənmək qərarına gəliblər. Onlar tualetdə and içmə mərasimi keçiriblər.

Cütlük restoranda ziyafət vermək əvəzinə, qonaqları yerli yanacaqdoldurma məntəqəsinə dəvət edərək, toyu burada qeyd etməyi qərara alıb. Yanacaqdoldurma məntəqəsinin müdiri və işçiləri bayramın təşkilində köməklik göstərərək bəylə gəlinin ideyasını həvəslə dəstəkləyiblər. Kollektiv zalın divarlarını şarlar və təbrik lövhələri ilə bəzəyib. 

Bundan əlavə, yeni evlənənlər üçün tavandan diskoteka topu asılmış, ziyafət diskotekasi təşkil edilmişdir. Cütlüyün dediyinə görə, şənlik problemsiz keçib və qonaqlar qeyri-adi toydan razı qalıblar.

"Tiana, bu tualetdə səninlə ilk rəqsimizi edərək, and içirəm ki, həyatımın sonuna qədər səninlə birlikdə addımlayacağam. Biz həyatın ritmini hiss edəcəyik"-deyə bəy sevgi etirafı da edib. 

Mərasimin sonunda cütlük qırmızı düyməyə basaraq, diskotekanın başladığını elan edib.

Aynil

Sfera.az