Putindən müsahibə alan amerikalı jurnalist ABŞ-ni İTTİHAM ETDİ: "Vicdansızlıqdır!"

Amerikalı jurnalist Taker Karlson ABŞ-ni Kiyevə maliyyə yardımı göstərməklə Rusiya və Ukrayna arasında sülh sazişinin bağlanmasını təxirə salmaqda ittiham edib.

Sfera.az xəbər verir ki, bu barədə o, "X" sosial şəbəkəsindəki səhifəsində yazıb.

Onun sözlərinə görə, senator Lindsi Qrem respublikaçıları inandırmağa çalışır ki, bu dəfə Ukrayna 60 milyard dollar borc almalıdır. O, bir sıra siyasətçilərin senatorun arqumentləri ilə razılaşdığını, lakin bunun saxtakarlıq olduğunu vurğulayıb.

“Ukrayna heç vaxt borclarını qaytarmayacaq. Bu, sadəcə olaraq, regiona daha çox qeydiyyatı olmayan silah göndərmək, qaçılmaz sülh sazişini təxirə salmaq və daha çox ukraynalını öldürmək üçün vicdansız bir yoldur”, - Karlson bildirib.

Xatırladaq ki, bundan əvvəl Ukraynanın keçmiş Baş naziri Nikolay Azarov respublikanın sadə vətəndaşlarının münaqişəyə münasibətini qiymətləndirib. Onun sözlərinə görə, cəmiyyət gecə-gündüz yayımlanan telemarafonla “zombiləşdirilsə” də, əksəriyyəti qarşıdurmanı davam etdirmək və Kiyev hakimiyyətinin daim haqqında danışdığı 1991-ci ilin sərhədlərinə geri dönmək istəmir.

Əzizə