"Bütün həmkarlarımı Əli Əsədova səs verməyə çağırıram" - Siyavuş Novruzov
“Əli Əsədov bütün Azərbaycan ərazisində səlahiyyətlərini həyata keçirəcək ilk Baş nazir olacaq”.
Sfera.az xəbər verir ki, bunu, Milli Məclisin 16 fevral 2024-cü il tarixli iclasında deputat Siyavuş Novruzov deyib.
“Ölkəmizdə çox uğurla keçirilən Zəfər seçkilərindən sonra Prezidentimizin andiçmə prosesini hər birimiz izlədik. Ölkənin Baş nazir postuna Əli müəllimin namizədliyinin irəli sürülməsi təqdirəlayiqdir. Onu ən uzun müddət tanıyanlardan biri də mənəm. 1993-cü ildə YAP-ın yaranmasında və formalaşmasında Əli Əsədovun böyük rolu olmuşdur. Onun fəaliyyətdə olduğu 5 il müddətində həm COVID, həm də müharibə məsələlərinə görə ağır dövr idi. O proseslərin aradan qaldırılması üzrə Nazirlər Kabineti Əli müəllimin başçılığı ilə aktiv işləyib. Bütün həmkarlarımı Əli Əsədova səs verməyə çağırıram”.
Firuzə Əliyeva
