Barmaq və yağ izi... - “iPhone 15”lə bağlı daha bir ŞİKAYƏT

Smartfon telefonları bazarında aparıcı mövqeyə sahib olan “Apple” şirkətinin yeni satışa çıxardığı “iPhone 15” modeli ilə bağlı şikayətlər artmaqdadır. 

Sfera.az xarici mediaya istinadən xəbər verir ki, ABŞ və Avropada bu telefonları satın alan və istifadə edən sosial media istifadəçiləri telefonların arxa səthində rəng dəyişikliyinin olduğunu, üzərində barmaq izi və yağ izi qaldığını bildiriblər. 

Şirkət bu şikayətlərə cavab olaraq bildirib ki, yeni modelləri alan şəxslər telefonu qabı ilə birgə istifadə etməlidir. Şirkət bu məsləhəti onunla izah edib ki, “iPhone 15” modellərində titan çərçivədən istifadə olunur və bu çərçivələr tər və yağlarla təmasda olduqda rəngini dəyişə bilər. 

Bu cür şikayətlər bitməmiş yeni bir narazılıq eşidilməyə başlanılıb. “iPhone 15”in bəzi istifadəçiləri telefonlarının donmasından şikayətləniblər. İstifadəçilər bildirib ki, köhnə “iPhone”larda olan məlumatları yeni model telefona köçürmək istəyərkən telefon donub.

Texnologiya nəhəngi telefonların donmaması üçün məsləhətini də açıqlayıb. Şirkət tövsiyə edir ki, “Apple”ın yeni “iOS 17.0.2.” əməliyyat sistemini yüklədikdə “iPhone 15” modellərində donma baş verməyəcək.

Vasif